A Garda Civil do Posto de Baiona-Nigrán, nunha actuación conxunta con axentes da Policía Nacional da Comisaría de Vigo-Redondela, detivo a dous homes como presuntos autores de máis dunha vintena de roubos levados a cabo en Galicia, Asturias, Cantabria e Portugal.
Tal como informan ambas as forzas de seguridade nun comunicado conxunto, esta investigación está relacionada coa detención doutras dúas persoas o pasado mes de outubro, por mor de roubos con forza detectados en distintas localidades da provincia de Pontevedra.
O primeiro dos arrestados nesta ocasión foi un mozo vigués de 28 anos de idade, con multitude de antecedentes por roubos. A el acusábaselle de polo menos seis roubos con forza en locais comerciais situados en Cantabria, Asturias e Baiona, ademais dun presunto delito de pertenza a grupo criminal.
Con todo, no vehículo usado polo home interviñéronse dúas mazas e outras ferramentas utilizadas para os roubos, ademais de garrafas con sistema de succión para roubar gasolina e documentación relacionada con outros roubos en Redondela, Valença e Ponche de Lima, en Portugal.
Grazas a isto esclarecéronse ata o momento 26 feitos delituosos ocorridos en Galicia, Asturias, Cantabria e o país veciño, onde se confirma que os investigados forman parte dun grupo criminal, dedicado ao roubo en establecementos. Por iso, a semana pasada a Policía Nacional#, que se deu á fuga o pasado 23 de outubro.
