InicioVigo e contornaVigoBNG de Vigo denuncia que non lle dan acceso ao PXOM e...

BNG de Vigo denuncia que non lle dan acceso ao PXOM e cualifica de “mafiosa” a actidude do alcalde

O portavoz do grupo municipal, Xabier Pérez Igrexas, advertiu de que a concelleira de Urbanismo, María José Caride, "ten que deixar de tratar o novo Plan Xeral coma se fose un negociado familiar".

PUBLICADO O

O BNG de Vigo denunciou este martes que aínda non tivo acceso ao documento da novo PXOM, a pesar de “superar case tres veces o prazo legal” para entregalo, desde a solicitude realizada o pasado 31 de outubro e criticou a actitude “mafiosa” do alcalde, Abel Caballero, con ese documento.

O portavoz do grupo municipal, Xabier Pérez Igrexas, advertiu de que a concelleira de Urbanismo do goberno vigués, María José Caride, “ten que deixar de tratar o novo Plan Xeral coma se fose un negociado familiar”, e engadiu que non atender á petición do BNG “supón vulnerar os dereitos fundamentais de representantes electos”, xa que a propia normativa municipal recolle a obrigación do goberno local de facilitar o acceso á documentación.

Segundo lembrou, o documento de aprobación provisional contén as propostas de ditame das máis de 4.000 alegacións presentadas ao documento urbanístico. “Que ten que escondar o goberno de Caballero? Que é o que non quere que o BNG poida coñecer?Por que tanto esforzo por ocultar ese documento?”, volveu a cuestionar Pérez Igrexas.

O portavoz municipal nacionalista proclamou que “xa está ben de escurantismo” e pediu “pór luz e taquígrafos” no urbanismo vigués. “Urxe a máxima transparencia para acabar cos abusos e a barra libre que levamos padecendo xa demasiados anos”, reclamou Xabier Pérez Igrexas, que puxo como exemplos o “pelotazo” dos chalés de Cabo Estai ou as “licenzas outorgadas ilegalmente durante o período de suspensión automática”.

Non lle imos a consentir nin á señora Caride nin a Abel Caballero que impoñan unha censura autoritaria e antidemocrática en relación co Plan Xeral, co que se quere definir o modelo de cidade para os próximos 15 anos”, concluíu o portavoz do BNG.

ÚLTIMAS

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...

A CEG aborda con Caballero as necesidades de transporte de Vigo e insiste en pedir que o tren chegue ao porto de Bouzas

O presidente da Confederación de Empresarios de Galicia (CEG), Juan Manuel Vieites, reuniuse este luns co...

Trasladan ao hospital a unha octoxenaria con problemas respiratorios tras un incendio no portal dun edificio en Gran Vía

Unha muller de 82 anos de idade foi trasladada ao Hospital Álvaro Cunqueiro de...