A Policía Nacional achou este pasado luns o cadáver dun home nunha vivenda okupada da rúa Aragón de Vigo, segundo fontes policiais consultadas por Europa Press. Por agora, descoñécense as causas do seu falecemento, á espera de que a autopsia aclare os motivos polos que o home perdería a vida. Foi un particular o que alertou á Policía.

O corpo deste home sería atopado sobre un colchón nun edificio okupado xunto a unha xiringa, polo que unha sobredose podería ser a causa da morte, segundo adiantou Faro de Vigo. Precisamente a semana pasada, en Santiago, foi achado o cadáver dunha muller de 36 anos de idade nun piso relacionado co consumo de drogas. Unha veciña deu o aviso debido ao forte cheiro que saía da vivenda.