O comité de empresa de Nova Pescanova alcanzou un preacordo coa compañía para o desenvolvemento do expediente de regulación de emprego (ERE), que será trasladado aos traballadores para que dicían en asemblea.
Este acordo chegou ‘in extremis’, xa que precisamente este xoves finalizaba o prazo dun mes para negociar o ERE.
Por iso, tras unhas 15 horas de reunión este pasado mércores, na mañá deste xoves procedeuse a pór en papel todos os termos do pactado, que por agora non se deron a coñecer.
A pesar de que había convocada unha folga para este xoves e venres, os sindicatos desconvocaron o paro da xornada de hoxe a última hora da tarde de onte, mentres que agora suspendeuse a folga de venres “á espera da decisión que tomen os traballadores en asemblea”, segundo recollen Comisións Obreiras (CC.OO.) e UGT nun comunicado.
Todo iso despois de que a compañía anunciase en setembro a súa intención de pór en marcha un ERE para despedir a 82 traballadores das áreas de soporte de Chapela, en Redondela, e de Madrid.
Tras varias semanas de manifestacións e paros por parte dos traballadores, o comité de empresa alcanzou un preacordo coa firma, que terá que ser valorado polos empregados nos próximos días.
