Un avión de Iberia con destino Vigo tivo que volver a Madrid na noite deste pasado mércores debido ao vento rexistrado no aeroporto de Peinador, que impediu a aterraxe do mesmo.

Segundo fontes de Aena consultadas por Europa Press, o último voo do día procedente da capital desviouse de volta a Madrid polo vento, polo que non chegou a aterrar na cidade olívica sobre as 23,30 horas como estaba previsto.

Isto trouxo a cancelación do primeiro voo de saída a Madrid desta mañá, sobre as 06,35 horas, xa que a aeronave non durmira en Vigo.

“O resto da operativa deste xoves discorre con normalidade ata o momento”, engadiron as mesmas fontes.