A policía local de Vigo detivo a un mozo de 27 anos este martes tras ameazar e golpear á súa nai e ao seu tío, irmán da súa nai, na vivenda que compartían na cidade olívica.

Segundo informou o corpo de seguridade, ás 16,10 horas deste martes recibiron unha chamada que alertaba dunha “forte discusión” nun piso na Avenida de Fragoso.

Alí, os axentes falan coa alertante, a nai do novo, que lles relata que minutos antes, o seu fillo de 27 anos, moi alterado, quería que o seu tío de 73 anos (irmán dela)/dela), co que convivían, abandonase o domicilio.

Debido ao elevado ton da discusión, detalla a muller, o mozo botouse sobre o seu tío. Nese momento, a nai interponse e é abaneada e golpeada polo seu fillo, chegando a tirala ao chan.

A continuación diríxese ao seu tío pegándolle patadas, puñadas, chegando este a poder zafarse dos golpes do seu sobriño e saír do domicilio. Nese momento, o mozo colle un coitelo e ameaza ao seu tío, co fin de que non volva entrar no inmoble, rompendo parte do mobiliario do piso (portas, cristais) con patadas e puñadas.

Os axente escoitan a versión dos feitos dada pola nai co mozo diante, que recoñece que é “tal cal indica a súa nai”. Por estes feitos, procédese á detención do mozo por un suposto delito de Violencia no Ámbito Familiar.