InicioVal MiñorBaionaA Garda Civil detén dous veciños de Vigo por tres roubos con...

A Garda Civil detén dous veciños de Vigo por tres roubos con forza en Baiona

Os dous homes, con antecedentes policiais por feitos similares, cometerían ata tres roubos durante o pasado mes de agosto, dous deles nunha nave industrial e un terceiro nunha leira.

PUBLICADO O

A Garda Civil de Baiona detivo a dous veciños de Vigo, de 31 e 35 anos de idade, como presuntos responsables de tres roubos con forza, tras facerse con máis de cinco toneladas de elementos metálicos.

Tal como informou a Benemérita, os dous homes, con antecedentes policiais por feitos similares, cometerían ata tres roubos durante o pasado mes de agosto, dous deles nunha nave industrial e un terceiro nunha leira.

En total acumularían máis de cinco toneladas de elementos metálicos como vigas de ferro, ferramentas, cobre e aluminio.

Por mor das denuncias interpostas pola empresa e o propietario da vivenda iniciouse a investigación, localizando case a totalidade do material nunha chatarrería de Vigo.

Por iso, o pasado venres, día 22 de setembro, detívose aos dous homes, aos que se lle atribúe a presunta autoría de tres delitos de roubo con forza. As dilixencias foron entregadas no Xulgado de Garda de Vigo e o material recuperado, aos seus lexítimos donos.

ÚLTIMAS

Tres atracadores levaron uns 300.000 euros a punta de pistola do Caixabank de Gran Vía

A Policía Nacional revisa imaxes gravadas polas cámaras e toma declaracións a testemuñas e empregados para atopar...

A remodelación do Museo Massó de Bueu rematará en 2024

O conselleiro de Cultura, Educación, FP e Universidades, Román Rodríguez, visitou este venres o Museo Massó...

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...

Traballadores de Vitrasa saen de novo á rúa para solicitar que a empresa e o goberno local acheguen unha solución

Decenas de traballadores de Vitrasa, concesionaria municipal do transporte urbano da cidade de Vigo,...