InicioDeportesO primeiro barco solar da UVigo, con seis metros de eslora, aspira...

O primeiro barco solar da UVigo, con seis metros de eslora, aspira a competir na Energy Boat Challenge de Mónaco

Un trimarán de seis metros de eslora e dúas de manga no que a maior parte do equipamento procede de fabricación propia. Así é o 'Boeiro I', con seis metros cadrados de paneis solares.

PUBLICADO O

- Advertisement -

Un trimarán de seis metros de eslora e dous de manga no que a maior parte do equipamento procede de fabricación propia. Así é o ‘Boeiro I’, o primeiro barco solar da Universidade de Vigo (UVigo) que aspira a competir na Energy Boat Challenge de Mónaco. Este proxecto “ilusionante”, nado fai tres anos da man da asociación estudantil Clean Energy Ship (CES) da UVigo, foi desenvolvido por unha vintena de alumnos das tres escolas de enxeñaría do campus de Vigo: Telecomunicación, Industrial e Minas e Enerxía.

Tras meses de traballo, este mércores presentaron a súa embarcación, bautizada como ‘Boeiro I’ en honra ao illote menor do arquipélago das Illas Cíes. O trimarán está construído principalmente a base de fibra de carbono, espumas de alta densidade e madeira. Na súa cuberta leva instalados seis metros cadrados de paneis solares, 386 células repartidas nunha ducia de paneis construídos integramente polo equipo.

“Estes paneis teñen a vantaxe con respecto aos convencionais de que teñen un baixo peso“, explicaron os responsables do equipo, indicando que foron construídos con fibra de vidro e non de vidro convencional como é habitual, polo seu menor peso. Como consecuencia das limitacións impostas polas distintas competicións europeas, a batería na que verten a potencia os paneis está limitada a 1,5 quilowatt hora (kWh), tamén construída polos alumnos da UVigo.

“Se á eficiencia hidrodinámica súmaselle a xeración solar, podemos chegar a desenvolver un prototipo de embarcación completamente independente dos combustibles fósiles, un desafío ao que nos teremos que afrontar nos próximos anos“, indicaron os seus creadores, segundo recolle o Diario da Universidade de Vigo (DUVI). Con respecto ás competicións deportivas ás que lles gustaría acudir, desde que se fundou a asociación o obxectivo era acudir á Energy Boat Challenge de Mónaco. “O principal problema desta competición é conseguir o financiamento necesario para chegar alí“, apuntaron.

ÚLTIMAS

Desmantelan en Mos unha festa rave

A Garda Civil de Pontevedra, a través do Grupo de Información da súa comandancia, informou sobre...

Rescatan a varios veciños dun edificio en chamas en Vigo

Os Bombeiros de Vigo rescataron a varios veciños dun edificio en Vigo no que...

Defensor do Pobo aproba a xestión de Vigo no incendio do edificio Alfonso X e critica á Xunta

O Defensor do Pobo emitiu un informe en resposta á solicitude de atención formulada...

OPINIÓN.- Vigo: Un plan de transporte para o futuro

A cidade de Vigo atópase nun momento crucial da súa historia. O crecemento desordenado...