A Policía Local de Vigo interceptou na madrugada do pasado luns a un mozo, de 29 anos de idade, que se deu á fuga tras impactar contra unha marquesiña de Vitrasa mentres conducía triplicando a taxa de alcol permitida.
Foi pasadas as 00,20 horas cando unha testemuña alertou aos axentes, indicando que se acababa de producir un accidente de tráfico no que un coche se saíu da vía na rúa Alcalde Lavadores e chocara contra unha marquesiña, fuxindo do lugar.
Unha vez no punto, os funcionarvos falaron co informante e observaron os danos causados, polo que comezaron a procura do automóbil, localizándoo no camiño Caringosta. Alí identificaron o condutor, que presentaba síntomas de estar influenciado pola inxesta de bebidas alcohólicas, realizándolle unha proba con resultado positivo de 0,87 e 0,83 miligramos por litro de aire aspirado.
