Doce persoas foron detidas na mañá deste martes en diferentes localidades da provincia de Pontevedra no marco do operativo contra o tráfico de haxix e cocaína, no que levou a cabo unha decena de rexistros en Galicia e Andalucía.

En concreto, foron un total de 13 os detidos, un deles en Córdoba e o resto na Comunidade galega, en localidades como Cangas, Vigo, Vilagarcía ou Vilanova de Arousa.

O caso instrúeo o Xulgado número 1 de Cangas e durante este martes incautáronse diferentes cantidades de haxix e cocaína, así como uns 50.000 euros en efectivo. O Equipo de Delincuencia Organizada Antidroga (EDOA) da Comandancia da Garda Civil de Pontevedra encárgase da operación, que continúa aberta.

Segundo apuntaron fontes da investigación consultadas por Europa Press, polo momento producíronse máis de dez rexistros entre ambos os territorios. As mesmas fontes afirmaron que non ten relación co pesqueiro que esta mañá chegou ao Porto de Vigo con máis de dúas toneladas de cocaína abordo.