A Fiscalía pide 15 anos de prisión para un home que será xulgado este mércores na sección quinta da Audiencia Provincial de Pontevedra, con sede en Vigo, acusado de abusar presuntamente dunha familiar menor de idade.

O ministerio público pide tamén para o acusado a prohibición de achegarse á vítima, ao seu domicilio ou lugar que frecuente, e a de comunicarse con ela por calquera medio durante un período de 25 anos.

Os feitos ocorreron en 2019, momento en que o acusado convivía coa menor, coa que ten unha relación de parentesco. Ademais da pena de prisión e o afastamento, a Fiscalía tamén reclama que indemnice á vítima en 8.000 euros.