Tres persoas resultaron feridas, no mediodía deste sábado, como consecuencia dunha colisión entre un autobús de liña urbana e un coche en Vigo. Segundo recolleu o 112, o suceso tivo lugar á altura do número 11 da Praza Industria e foi o equipo de Urxencias Sanitarias de Galicia-061 o que contactou co 112.

Desta forma, explicou que dous dos pasaxeiros do autobús e un dos ocupantes do turismo necesitaban asistencia sanitaria. Para dar colaboración ao persoal médico e restablecer a seguridade no punto, os xestores do 112 avisaron á Policía Local e aos Bombeiros de Vigo.