A Nave Vitoria, réplica do navío que deu a primeira volta ao mundo, visitará o porto de Vigo en setembro. Esta embarcación poderá ser visitada durante os días 9 e 10, en horario de 10,00 a 20,30 horas, de maneira ininterrompida.
Durante a súa estancia na cidade, o público poderá subir a bordo deste museo flotante, cunha exposición na que se poden visitar as súas cubertas para descubrir a historia marítima “dunha forma única”, segundo indica a Fundación Nave Vitoria. Ademais, engade, algúns poderán navegar a bordo deste barco de época a través de www.tallshipexperience.com
A Nave Vitoria é a réplica do barco que, capitaneado por Fernando de Magallanes e Juan Sebastián Elcanom protagonizou a primeira volta ao mundo, que comezou e terminou fai cinco séculos no porto de Sevilla (1519-1522).
Durante os anos 2004-2006, esta réplica completou a súa propia volta ao mundo, asucando máis de 26.000 millas náuticas, facendo escala en 17 países. Desde entón está realizando xiras culturais por centos de portos de Estados Unidos e Europa.
