A Policía Nacional investiga unha suposta agresión a un menor de idade ocorrida en Vigo, e que foi gravada e difundida a través de redes sociais.

Segundo informaron fontes policiais, por estes feitos presentouse denuncia na Comisaría da cidade olívica e púidose constatar que a agresión foi gravada e que se difundiron imaxes a través de redes sociais. A Policía abriu unha investigación para identificar e localizar ao presunto agresor e a posibles testemuñas, e eludiu facilitar máis datos “para non interferir” nas pescudas.