O RC. de Vigo celebrou onte, non sen polémica, o seu centenario.
O acto protocolario previo á celebración descubriu unha placa. A placa que conmemora o centenario da unión entre dous clubs e dúas afeccións que deron como resultado ao que hoxe coñecemos como Real Club Celta de Vigo.
O 23 de agosto de 1923, na que era a Fundación Gremial de Patróns hoxe a Biblioteca Pública Juan Compañel, uníanse o Vigo Sporting Club e o Real Club Fortuna para dar orixe ao Real Club Celta.
Así pois, con motivo do aniversario do primeiro século de vida do club, o RC Celta “non quería dar comezo a un día tan sinalado sen antes mirar antes cara atrás, cara a onde todo comezou, as nosas orixes” sinalan dende o club.
Por iso, no lugar exacto da firma que fusionou a ambos clubs, o presidente do RC Celta Carlos Mouriño e o Consello de Administración, descubriron unha placa conmemorativa para deixar constancia do nacemento da entidade celeste.
Pero o texto da placa contén algúns erros ortográficos. Saberías identificalos?
“Aquí naceu o RC Celta o 23 de agosto de 1923 grazas a xenerosidade de dous clubes, o Vigo Sporting Club e o Real Club Fortuna, e as súas afeccións , que amosaron que ca unión pódense acadar os mais grandes dos sonos”.
RC Celta de Vigo
Aquí naceu o RC Celta DE VIGO o 23 de agosto de 1923, grazas Á xenerosidade de dous CLUBS, o Vigo Sporting Club e o Real Club Fortuna, e ÁS súas afeccións, que amosaron que COA unión se poden acadar o MÁIS grande dos SOÑOS.
Vigo, 23 de agosto DE 2023
Aforráchesme o traballo 😉🤗🤗
Coido que debería ser…
«Aquí naceu o RC Celta, o 23 de agosto de 1923, grazas á xenerosidade de dous clubs*, o Vigo Sporting Club e o Real Club Fortuna, e ás súas afeccións, que nos amosaron que coa unión pódense acadar o máis grande dos soños»
Segundo o galego normativo (RAG), o plural de «Club» sería «Clubs»; ben é certo que nalgunhas zonas de Galiza e no galego lusitano, empregan o termo «Clube» en singular e «Clubes» para formar o plural.
Perfecta a corrección. So cambiaría *poden por PODE.
Aquí naceu o RC Celta de Vigo, o 23 de agosto de 1923, grazas á xenerosidade de dous clubs, o Vigo Sporting Club e o Real Club Fortuna, e ás súas afeccións, que amosaron que coa unión se poden acadar os máis grandes dos soños.
Vigo, 23 de agosto de 2023