InicioEconomíaMetalships defende que cumpre a legalidade na súa reestruturación e confirma que...

Metalships defende que cumpre a legalidade na súa reestruturación e confirma que non haberá máis despedimentos

Fontes da empresa trasladaron que as indemnizacións establecidas para os traballadores a quen se lles rescindiu o contrato (a directora financeira, un xefe de buque e cinco operarios da sección de tubaxe) "cumpren estritamente a legalidade" e que se actuou "con respecto aos dereitos dos traballadores".

PUBLICADO O

- Advertisement -

estaleiro vigués Metalships&Docks defendeu que cumpre a legalidade nas súas medidas de reestruturación e confirmou que, tras os últimos 7 despedimentos comunicados ao persoal (dous deles, membros do comité de empresa), dáse por finalizado o axuste e non haberá máis despedimentos.

Fontes da empresa trasladaron que as indemnizacións establecidas para os traballadores a quen se lles rescindiu o contrato (a directora financeira, un xefe de buque e cinco operarios da sección de tubaxe) “cumpren estritamente a legalidade” e que se actuou “con respecto aos dereitos dos traballadores”.

Así mesmo, engadiron que, con esta medida, dáse por finalizada a reestruturación, e que non haberá máis despedimentos. A empresa enmarca estas medidas nun reaxuste obrigado polas perdas que o estaleiro arrastra desde hai anos. Respecto diso, sinalaron que Metalships “ten que redimensionarse” para adaptarse á actividade de reparación de buques.

Este posicionamento prodúcese despois de que o comité de empresa denunciase “represión sindical” e avanzase a convocatoria de folga indefinida contra o “desmantelamento” do estaleiro.

ÚLTIMAS

A CUT denuncia “escurantismo” na negociación dos bombeiros de Vigo

A CUT criticou este martes a proposta de solución exposta pola mesa de negociación...

A veda do choco nas rías de Vigo, Pontevedra e Arousa estenderase ata finais de outubro

A Xunta estableceu a veda para a captura do choco nas rías de Vigo,...

Detido un veciño de Gondomar como presunto autor de seis roubos con forza en gasolineiras

A Garda Civil detivo a un veciño da localidade pontevedresa de Gondomar como presunto...

Pintadas tránsfobas no centro LGTBI+ do colectivo Avante

O centro LGTBI+, aberto polo colectivo Avante o pasado 4 de maio en Vigo,...