InicioEconomíaO Instituto de Investigacións Mariñas expón os 38 proxectos presentados para a...

O Instituto de Investigacións Mariñas expón os 38 proxectos presentados para a construción da súa nova sede en Vigo

A súa nova sede no barrio vigués de Teis, en concreto nas instalacións da antiga Escola de Transmisións e Electrónica da Armada (ETEA), comezará a construírse este mesmo ano.

PUBLICADO O

Instituto de Investigacións Mariñas (IIM) inaugurou este xoves a exposición dos 38 proxectos arquitectónicos que se presentaron ao concurso público para construír a súa nova sede no barrio vigués de Teis, en concreto nas instalacións da antiga Escola de Transmisións e Electrónica da Armada (ETEA).

Situada na praza de Armas da ETEA, a mostra foi presentada nun acto ao que asistiron, entre outros, o director do IIM-CSIC, Fran Saborido Rey; o presidente-fundador da Fundación RIA, David Chipperfield, ou o vicepresidente de Organización e Relacións Institucionais do Consello Superior de Investigacións Científicas, Carlos Juan Closa Montero, entre moitos outros.

“Damos un paso máis nunha traxectoria longa e complexa que nos debe levar ao noso traslado a Teis. Para chegar a este concurso de ideas realizamos un estudo moi detallado das necesidades que temos en Vigo e deseñamos de forma moi coidadosa a estratexia a levar para cada un dos pasos que nos demandaban as Administracións. Tivemos a sorte de contar coa colaboración, axuda e asesoramento da Fundación Ría”, destacou Fran Saborido Rei.

Precisamente o gañador do concurso foi o proxecto ‘De Terra e de Mar’, presentado pola UTE conformada polos estudos navarros Pereda Pérez arquitectos e MRM Arquitectos. A construción comezará este mesmo ano.

“O proxecto da ETEA é de sustentabilidade en tres dimensións: instalacións para desenvolver investigación de vangarda, adecuadas aos requisitos do século XXI, e recupera un patrimonio de enorme valor histórico. E avanzo que imos replicar este modelo noutros lugares, como Madrid”, reivindicou Closa.

A exposición estará dispoñible ata a mañá deste venres e consta de 86 paneis con información sobre o proxecto gañador e os demais que se presentaron.

ÚLTIMAS

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...

A CEG aborda con Caballero as necesidades de transporte de Vigo e insiste en pedir que o tren chegue ao porto de Bouzas

O presidente da Confederación de Empresarios de Galicia (CEG), Juan Manuel Vieites, reuniuse este luns co...

Trasladan ao hospital a unha octoxenaria con problemas respiratorios tras un incendio no portal dun edificio en Gran Vía

Unha muller de 82 anos de idade foi trasladada ao Hospital Álvaro Cunqueiro de...