A dirección xeral de Patrimonio Cultural, dependente da Consellería de Cultura, Educación, FP e Universidades da Xunta de Galicia, informou favorablemente ao Concello de Vigo sobre o plan especial presentado para a construción da nova Biblioteca do Estado na rúa Lalín.

A autorización de Patrimonio sinala que nas dúas parcelas municipais onde se asentará o proxecto, que dispón con case 6.580 metros cadrados, contarán cunha zona dotacional e unha zona verde, pero alí “non consta a existencia de ningún ben do patrimonio cultural de Galicia”.

“Non existe ningún elemento catalogado no ámbito e non se identifican no ámbito bens ou elementos que deban ser protexidos polo seu valor patrimonial”, engade Patrimonio nun comunicado.