Catro persoas resultaron feridas nun accidente dunha moto que chocou contra unha terraza en Vigo na tarde deste luns.

Segundo informa o 112 Galicia, as dúas persoas que ían na moto máis dous peóns sufriron lesións de diversa consideración, polo que foron evacuadas en diferentes ambulancias.

O sinistro produciuse preto das 19.00 horas na rúa Gregorio Espiño, tal e como explicaron varias persoas que chamaron ao número de atención ás emerxencias.

Así, solicitouse a intervención dos profesionais de Urxencias Sanitarias de Galicia-061, que enviaron varios dotación ao momento. Ademais, foron alertados os axentes da Policía Local, que continúan cos trámites necesarios para coñecer todos os detalles deste accidente.