A Policía Local de Vigo interceptou este pasado xoves a un home, G.G.V. de 37 anos de idade, circulando cun patinete eléctrico quintuplicando a taxa de alcol permitida.

Os feitos ocorreron sobre as 12,00 horas, cando os axentes observaron ao home circulando co caso colocado de forma incorrecta e sen usar ningún tipo de peza reflectora. Por iso, déronlle o alto, momento no cal comprobaron que presentaba síntomas evidentes de estar influenciado por bebidas alcohólicas.

Ao realizarlle as probas, deu un resultado positivo de 1,34 e 1,24 miligramos por litro en aire expirado, polo que se procedeu a cursar a pertinente denuncia administrativa.

Tamén este xoves a Policía Local interceptou a un menor, de 14 anos de idade, que se fuxiu dun centro educativo. O mozo estaba a pedir tabaco aos transeúntes da rúa Teixugueiras. Foi devolto ao instituto tras ser identificado.