O Concello de Vigo anunciou este mércores que posporá a celebración do Día de Galicia ao mes de setembro para así “afastalo do período electoral”, a pesar de que os comicios serán xa o 23 de xullo.

Nun breve comunicado, o goberno local escusouse asegurando que en agosto a cidade xa acolle diferentes eventos culturais e festivos, polo que “parece conveniente atrasar a efeméride ata o mes de setembro” e non celebrala nin o 25 de xullo nin durante agosto. Con todo, non se comunicou aínda a data na que levará a cabo dita celebración.