InicioSociedadeUGT denuncia que a seguridade na Cidade da Xustiza de Vigo sofre...

UGT denuncia que a seguridade na Cidade da Xustiza de Vigo sofre un “recorte drástico”

O sindicato asegurou que xa puxo unha reclamación ante o Goberno galego para solicitar a corrección dos "erros" e para esixir a rectificación desta decisión.

PUBLICADO O

- Advertisement -

Os responsables do sector de seguridade e servizos auxiliares da Federación de Servizos, Mobilidade e Consumo de UGT en Pontevedra (FeSMC-UGT) denunciaron o “recorte drástico” na seguridade da nova Cidade da Xustiza de Vigo.

Nun comunicado, lamentaron a “ilóxica e incomprensible” decisión da Dirección Xeral de Xustiza da Xunta de diminuír a seguridade nos edificios xudiciais da provincia de Pontevedra, suprimindo a vixilancia nas instalacións de Lalín e Cangas e recortando un 25% a presenza deste tipo de persoal na cidade olívica.

“Esta medida, contraria aos criterios mínimos de seguridade e aos consellos das forzas e corpos de seguridade, porá en risco non só a seguridade dos propios inmobles, senón tamén a dos usuarios e profesionais que desempeñan o seu traballo dentro dos mesmos”, subliñou UGT.

O sindicato asegurou que xa puxo unha reclamación ante o Goberno galego para solicitar a corrección dos “erros” e para esixir a rectificación desta decisión.

A Administración non pode nin debe antepor o aforro económico antes que a seguridade dos seus traballadores, así como a dos usuarios que día a día fan uso das súas instalacións“, sentenciou a organización sindical.

ÚLTIMAS

Rueda, preparado para negociar con Caballero

O desbloqueo da urbanización da ETEA, a reforma das pistas de Balaídos, ou a...

A concelleira de Urbanismo afea a “actitude” da Xunta a catro días da reunión de Rueda e Caballero

O goberno municipal de Vigo afeou este venres "o fondo e as formas" das declaracións da...

O PP de Vigo esixe a Caballero que garanta a seguridade en San Xoán ante a previsión de falta de bombeiros

O grupo municipal do PP no Concello de Vigo esixiu este venres ao alcalde, Abel Caballero,...

Falece un mozo en Vigo tras ter un accidente cunha carretilla elevadora

Un mozo de 24 anos de idade faleceu este xoves en Vigo tras sufrir...