O candidato do PSdeG á alcaldía de Vigo, Abel Caballero, animou aos vigueses a participar co seu voto nas eleccións municipais que se celebran este domingo con “unha recomendación”: “Democracia, democracia e democracia, e votar, votar e votar”.

O actual alcalde da cidade olívica exerceu o seu dereito a voto antes das 10,00 horas acompañado da súa muller e, tras facelo, dirixiuse aos medios de comunicación para, primeiro, mostrarlles o seu recoñecemento. “A presenza dos medios é fundamental para a democracia”, asegurou.

“A democracia é a participación, é acudir e mostrar a forza do voto de cada persoa, que nos iguala a todos. Por iso dígolle á cidade que acuda, que voten, que van lanzar a partir do que decidan, o futuro de Vigo do próximos catro anos”, comentou. Abel Caballero avanzou que, antes de dirixirse á sede para seguir o escrutinio, paseará pola cidade e visitará outros colexios electorais.