Traballadores do Grupo Ganomagoga, dedicado á actividade metalúrxica e en concurso de acredores, concentráronse este martes en Vigo para reclamar o pago dunha débeda que permita abonar os salarios pendentes ao persoal dunha das filiais, Ganomagoga Logistic.
A protesta desenvolveuse ante a oficina de Alfa Cargo, unha consignataria que ten unha débeda coa empresa de 75.000 euros, para pedir que polo menos pague a metade desa débeda, para que os traballadores poidan cobrar algo do tres nóminas que teñen pendentes.
Trátase de 9 afectados que, despois de 3 meses sen cobrar, decidiron iniciar as protestas diante desta empresa, “xa que é a única fonte de ingresos” que pode ter Ganomagoga Logistics, segundo informou nun comunicado a CIG. Así, esta filial do grupo, ademais de estar en concurso, está á espera de que os traballadores se poidan acoller a un ERTE.
Fontes do sindicato lembraron que as catro filiais do Grupo deben recadar o diñeiro necesario para pagar aos seus respectivos persoais, algo que xa fixeron as outras tres. Respecto diso, sinalaron que o administrador concursal púxose en contacto con Alfa Cargo para que abone polo menos parte da débeda con Logistic, “pero ata agora non pagaron nada”.
