A Federación Galega de Actividades Subacuáticas (Fegas) chora o falecemento de José Luís González, o mergullador que perdeu a vida este sábado na ría de Vigo mentres realizaba actividades de mergullo fronte á costa do municipio pontevedrés de Moaña.

O falecido foi vicepresidente de Fegas e campión do mundo de Fotografía Submarina. Como un “gran divulgador”, así o lembran os seus compañeiros da Federación, que destacan que era considerado “un dos mellores fotógrafos submarinos do mundo”.

Nacido en 1952 en Oviedo, estudou Enxeñaría e foi perito na fábrica de Citroën de Vigo, director da semana do cinema submarino de Vigo, así como vicepresidente de Fegas.

Ademais, a entidade destacou as súas participacións e logros en distintas competicións: Campión de España de Fotosub en 1993, e 1997 en 1990, 1991, 1997; BG/BBC Wildlife en 1999, 2000, 2001. Dúas medallas de prata no Campionato do Mundo de Fotosub (Corea do Sur) en 1994; unha medalla de prata no VII-Cto. mundo de Fotosub (Noruega) en 1998; ou o campionato do mundo no IX Campionato Mundial de Fotografía Submarina (Marsella) en 2002.

Así, a Federación transmitiu de parte de toda a comunidade galega de actividades subacuáticas a súa máis sentido pésame pola súa perda e agradeceu a José Luís González “o seu legado”.