InicioCulturaConclúe a 20ª Edición do Festival de Cans este sábado despois de...

Conclúe a 20ª Edición do Festival de Cans este sábado despois de cinco días de actividades

O certame celebra a súa última xornada tras cinco días de festival, cunha asistencia de máis dun centenar de cineastas e a celebración de medio centenar de actividades entre as que se incluíron estreas e actuacións musicais.

PUBLICADO O

O consellerio de Cultura, Educación, FP e Universidades, Román Rodríguez, visitou este sábado o Festival de Cans, no Porriño, onde felicitou á organización pola celebración do seu 20º aniversario.

O certame celebra a súa última xornada tras cinco días de festival, cunha asistencia de máis dun centenar de cineastas e a celebración de medio centenar de actividades entre as que se incluíron estreas e actuacións musicais.

O conselleiro agradeceu o traballo dos organizadores do festival por manter vivo un festival “icónico” que serve de “escaparate” para a creación audiovisual galega e desexoulles, “canto menos, outros 20 anos de historia”.

“O de Cans é, sen dúbida, un dos eventos culturais e lúdicos máis singulares de Galicia, capaz de involucrar cada ano a profesionais, público, administracións e aos propios veciños para manter viva unha marca única”, remarcou.

Lembran ademais que o Festival de Cans repite en 2023 como un dos 11 certames apoiados pola Xunta mediante a convocatoria de subvencións para festivais do sector, dentro da que conseguiu, por terceiro ano consecutivo, a máxima puntuación outorgada pola comisión independente que avalía os proxectos.

Estas axudas, dotadas este ano con 225.000 euros, son unha das principais vías a través das que a Consellería de Cultura, Educación, FP e Universidades canaliza o apoio á organización de festivais audiovisuais. O certame pechará a súa vixésima edición coa entrega de premios que levará a cabo este sábado ás 23,00 horas.

ÚLTIMAS

Gonzalo Caballero proposto polo PSOE de Vigo como candidato galego ás europeas

A asemblea do Partido Socialista de Vigo propuxo ao que fora secretario xeral do PSdeG, Gonzalo Caballero,...

Claudio Giráldez renova como adestrador do Celta ata xuño de 2025

O adestrador galego Claudio Giráldez renovou este xoves o seu contrato como técnico do RC...

Atraso de 40 minutos na liña A Coruña-Vigo por un conato de incendio nun coche do tren

Un conato de incendio declarado entre dous coches dun tren que cobre a liña...

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...