InicioSociedadeO comité de Vitrasa rexeita a oferta da empresa de adiantar 500...

O comité de Vitrasa rexeita a oferta da empresa de adiantar 500 euros ao persoal e mantén a folga

A empresa denunciou que a oferta trasladada non foi sometida á asemblea

PUBLICADO O

- Advertisement -

O comité de empresa de Vitrasa, concesionaria do bus urbano de Vigo, rexeitou a oferta da empresa de adiantar 500 euros por traballador, a cambio de desconvocar as xornadas de folga de 24 horas previstas ata o 26 de maio, por considerar a proposta “insuficiente” e porque a empresa “se nega a negociar reivindicacións de tipo social”.

Nun comunicado, o sindicato CIG, que preside o órgano de representación dos traballadores, sinalou que a intención de Vitrasa era pagar 500 euros por persoa na seguinte nómina, que lles serían descontados da futura subida salarial que se poida acordar, unha cantidade que ven “irrisoria”, e que suporía un desembolso de 180.000 euros a unha concesionaria “que está a reclamar ao Concello case 31 millóns”.

O comité mantén que o novo convenio debe incluír unha actualización de soldos en base ao IPC acumulado desde que caducou o anterior marco regulador (6,5 % en 2021, e 5,7 % en 2022). “Ademais a dirección pretende pechar o conflito e seguir negociando máis adiante, sen atender as reivindicacións de tipo social”, engadiron fontes sindicais.

Por todo iso, manterán a folga e as mobilizacións, que continuarán o vindeiro luns cunha marcha a pé desde as instalacións da empresa ás 7,45 horas ata a Praza de España. O martes trasladarán as protestas á porta do Concello ás 10,30 horas, para seguir reclamando ao alcalde que se implique no conflito.

POSICIÓN DE VITRASA

Pola súa banda, a empresa concesionaria lamentou que o comité rexeitase a “paga de 500 euros netos” para cada traballador ofrecida como “medida conciliadora”, para recuperar o “correcto funcionamento” do servizo e pór fin á folga. “Con esta actitude, o comité demostra unha vez máis a súa desconexión coa realidade que está a vivir a empresa, que leva 3 anos acumulando perda de viaxeiros (…) e que está á espera de resolución do expediente de reequilibrio económico”, engadiu Vitrasa nun comunicado.

Ademais, a empresa denunciou que a oferta trasladada non foi sometida á asemblea, do mesmo xeito que non se someteu a asemblea a decisión de pasar dos paros parciais (que si foi votada polo persoal) aos paros de 24 horas.

Finalmente, tamén lamentou que o comité se negou “” a aceptar a súa oferta de manter, desde o próximo 22 de maio, reunións semanais coa Comisión de Horarios e Liñas “para pechar un diagnóstico, así como medidas necesarias para mellorar os tempos de descanso da xornada”.

ÚLTIMAS

Última hora #ArgosGeorgia 14 sobreviventes, 9 falecidos e catro desaparecidos

No tráxico incidente ocorrido na mañá do 23 de xullo, o pesqueiro Argos Georgia,...

Vigo e Baiona drecretan un día de loito oficial pola morte dos dous mariñeiros locais falecidos na traxedia do Argos Georgia

O Concello de Baiona decretou un día de loito pola morte do seu veciño...

O pesqueiro vigués ‘Robin M. Lee’ mantense na procura de náufragos do ‘Argos Georgia’

O pesqueiro vigués 'Robin M. Lee' mantense na zona do naufraxio do 'Argos Georgia',...

(Crónica) Luis Fonsi queda abraiado co público de Vigo e coa “fermosa” cidade

"Que levanten a man os noivos e maridos que viñeron a este concerto obrigados...