InicioEconomíaO Goberno adxudica por 884.207 euros a redacción do estudo do saída...

O Goberno adxudica por 884.207 euros a redacción do estudo do saída sur ferroviaria de Vigo

s.

PUBLICADO O

O Ministerio de Transportes, Mobilidade e Axenda Urbana (Mitma) adxudicou 884.207 euros á redacción do estudo informativo da saída ferroviaria sur de Vigo. O proxecto, da unión temporal de empresas UTE Prointec-Geoconsult, terá un prazo de execución de 18 meses.

Nun comunicado, o Mitma expresou que “a adxudicación supón un novo paso para potenciar as conexións ferroviarias entre España e Portugal, de acordo co compromiso referendado por ambos os países na XXXIV Cume Hispano-lusa, celebrada en Lanzarote o pasado mes de marzo. Neste caso concreto, avánzase na conexión de alta velocidade entre Vigo e O Porto”.

En concreto, o obxecto deste estudo informativo é desenvolver as alternativas de trazado para dar continuidade ao Eixo Atlántico de alta velocidade cara a Portugal. Con este fin, definirase unha nova configuración da Estación de Vigo-Urzáiz como pasante do traxecto e realizarase un novo tramo ferroviario que a conectará coa liña convencional en dirección cara a Tui. Isto permitirá a reordenación dos tráficos ferroviarios na contorna de Vigo.

Ademais, informou que o contrato inclúe a prestación de servizos de enxeñaría para a realización dos trámites de información pública e audiencia ás administracións, a análise de alegacións recibidas e a obtención da autorización ambiental, ata a aprobación definitiva do estudo.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...