Axentes da Policía Nacional da Comisaría de Vigo detiveron a dous homes como presuntos autores de senllos roubos con forza cometidos nas sancristías de dúas igrexas da cidade, de onde levaron varios obxectos.

Segundo informaron fontes policiais, o pasado mes de marzo denunciouse o roubo nunha sancristía dunha igrexa do barrio de Teis. Tal e como explicou o párroco, deuse conta de que unha das portas da sancristía, desde onde se accede ao altar, estaba forzada e aberta.

O interior da estancia atopábase revolto, coas portas e caixóns dos mobles abertos. O párroco botaba en falta varios obxectos sacros, como un copón, cáliz e un incensario, ademais de micrófonos inalámbricos e outros aparellos tecnolóxicos.

A investigación permitiu identificar aos dous supostos autores do roubo, a quen tamén se lle atribúe outro roubo con forza noutra igrexa da cidade, de onde subtraeron varios obxectos. Un dos detidos escondía no seu domicilio parte do botín substraído e que o párroco de recoñeceu, polo que lle foron devoltos.