A navieira Mar de Ons leva a cabo este martes, 25 de abril, as primeiras viaxes diarias da tempada ás Illas Cíes e prestará viaxes á Illa de Ons durante a ponte de maio. Xa non quedan prazas dispoñibles para viaxar ás Illas Cíes os días 29 e 30 de abril e a cota de 450 prazas está esgotada para os primeiros días da ponte de maio
As Illas Cíes, O destino natural máis importante de Galicia, é un dos principais puntos de turismo cos que que Naviera Mar de Ons mantén viaxes durante a meirande parte do ano. Os barcos partirán desde os portos de Cangas e Vigo. A naviera ofrecerá este servizo diario para visitar as Illas Cíes ata o mes de outubro, aumentando frecuencias e portos de saída a medida que a tempada e a demanda avance.
Pola súa parte, a compañía viaxará a Ons desde os portos de Bueu, Sanxenxo, Portonovo e Vigo durante a ponte de maio para atender a toda a demanda de visitantes que se prevé para esta festividade. As viaxes realizadas ata o 14 de maio incluirán unha visita guiada a pé tanto nas Illas Cíes como na Illa de Ons. Ademais, a compañía tamén fretará viaxes á Illa de Tambo desde o porto de Combarro.
Só en Semana Santa rexistráronse máis de 11.000 autorizacións para acudir ás Illas Cíes, segundo datos da Central de Reservas da Xunta de Galicia. Neste sentido e ante a demanda de visitantes, Naviera Mar de Ons anticipa as viaxes diarias a este destino desde hoxe e ata o mes de outubro.
