InicioSociedadeO goberno de Vigo aproba contratar un estudo por un máximo de...

O goberno de Vigo aproba contratar un estudo por un máximo de 400.000 euros para planificar o futuro bus urbano

Exponse que o transporte público colectivo de Vigo está inmerso "nun proceso de recuperación" tras as "graves afeccións" provocadas no servizo pola pandemia de Covid.

PUBLICADO O

A xunta de Goberno Local de Vigo aprobou o expediente para contratar unha asistencia técnica que elabore un estudo sobre a demanda do transporte urbano colectivo na cidade e establecer un proceso de modelización da rede de transporte urbano da cidade, cun gasto máximo autorizado de case 400.000 euros.

A proposta foi aprobada fóra da orde do día nunha reunión ordinaria do goberno, o pasado 31 de marzo, e o prazo para presentar ofertas estará aberto ata o 4 de maio. No expediente de contratación exponse que o transporte público colectivo de Vigo está inmerso “nun proceso de recuperación” tras as “graves afeccións” provocadas no servizo pola pandemia de Covid.

Ademais, recollen os documentos, a concesión do bus urbano (que ostenta Vitrasa) está en situación de prórroga, acordada de forma extraordinaria, precisamente durante a pandemia, co que o contrato está en vigor ata xuño de 2025.

Nese escenario, considérase “necesario” iniciar as actuacións para “determinar os indicadores reais da demanda do novo modelo de mobilidade urbana” e así poder optimizar o transporte urbano de Vigo “para a próxima década”, todo iso tendo en conta que haberá que elaborar un novo prego para sacar de novo a concurso o servizo cando se acabe a actual concesión.

Por todo iso, e a expensas da incorporación de informes pendentes, a xunta de goberno acordou aprobar ese expediente de contratación, así como o prego de prescricións técnicas para executalo, redactado por itra empresa contratada o pasado ano.

O gasto máximo autorizado para ese estudo das liñas de transporte é de 399.682,93 euros e deberá incluír un informe sobre a concesión actual, realización dunha enquisa, elaboración dun modelo de simulación do transporte de Vigo, propostas de optimización da rede, etc.

ÚLTIMAS

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...

Outro accidente múltiple no túnel da Madroa causa retencións na AP-9 en Vigo

Un accidente múltiple rexistrado á primeira hora deste xoves na AP-9 causou importantes retencións no...