Un home, J.M.P.G de Vigo e 34 anos de idade, foi detido o pasado xoves na cidade olívica tras supostamente zarandear e insultar á súa noiva.

Segundo informou a Policía Local, os feitos ocorreron sobre as 13,30 horas, cando foron alertados dun suposto episodio de violencia de xénero en Travesía de Mantelas.

Alí, os axentes observaron no patio dunha vivenda a unha muller, de 38 anos, chorando. Ela manifestou discutir co seu noivo e que este se negaba a abandonar a vivenda, chegando a abaneala e insultala.

No domicilio estaba o suposto agresor, que foi detido como presunto autor dun delito de violencia de xénero. A muller tivo que ser atendida por persoal sanitario debido ao estado de ansiedade que presentaba.