InicioPolíticaAs "sospeitas" de Abel Caballero sobre os causantes do vandalismo nos baños...

As “sospeitas” de Abel Caballero sobre os causantes do vandalismo nos baños da ETEA

O rexedor vigués denuncia "vandalismo organizado".

PUBLICADO O

- Advertisement -

O alcalde de Vigo, Abel Caballero, denunciou este luns os danos que sufriu o baño instalado polo Concello na ETEA, no barrio de Teis, e advertiu de que se trata de “vandalismo organizado”.

Nunha rolda de prensa, o rexedor olívico lembrou que esas instalacións, longamente demandadas polos veciños, levan funcionando unha semana e, nestes escasos 7 días, sufriron danos dúas veces.

Nas dúas ocasións, eses danos producíronse a media mañá, “unha hora estraña”, e a persoa ou persoas que o fan levan “instrumental” para cortar desde a base un cano e unha billa. “É un vandalismo daquela forma, vandalismo organizado”, concluíu.

A saber quen o organiza, quen ten interese en cortar esa billa. Repuxémolo as dúas veces inmediatamente, e se alguén pensa que nos van a parar están equivocados. Saben moi ben a quen me estou dirixindo”, proclamou Caballero que, con todo e pesar das preguntas dos xornalistas, non quere desvelar as súas sospeitas sobre os responsables deses danos.

A colocación dun baño na zona da ETEA foi motivo de enfrontamento entre o alcalde e a asociación de veciños de Teis, e mesmo se produciu un encontrón en xullo do ano pasado entre Caballero e membros desta entidade e veciños do barrio, durante unha visita do alcalde a unhas obras en Porta do Sol. Naquel momento, o rexedor encarouse con quen protestaban, dicíndolles frases como “non valedes” ou “que volo faga Castrillo, que xa se viu o que fixo cando gobernou“.

ÚLTIMAS

Ordenan prisión para o home que quixo queimar a casa da súa exmuller en Tomiño coa súa filla dentro

O xulgado de instrución número 1 de Tui acordou o ingreso en prisión provisional,...

Arremeten contra unha xornalista no terceiro intento de desaloxo da casa ocupada na rúa Pardavila

Unha muller que estaba a ser desaloxada dunha casa ocupada desde hai anos en...

A Asociación de Dano Cerebral Alento preparará a tortilla máis grande da historia de Vigo” polo seu 25 aniversario

A Asociación de Dano Cerebral Alento elaborará este sábado a tortilla "máis grande da...

O BNG levará unha moción ao Pleno de Vigo para pedir a condena das “accións genocidas” de Israel en Gaza

O grupo municipal do BNG no Concello de Vigo levará unha moción para o...