InicioEconomíaTraballadores de Ganomagoga concéntranse ante o Concello para pedir apoio da Corporación

Traballadores de Ganomagoga concéntranse ante o Concello para pedir apoio da Corporación

Hai case 200 traballadores afectados en todas as empresas do grupo

PUBLICADO O

Un centenar de traballadores do grupo Ganomagoga concentrouse este venres fronte ao Concello de Vigo, onde acudiron para entregar un escrito por rexistro e reclamar o apoio da Corporación e a intermediación do goberno local no seu conflito.

O presidente do comité de Talleres Ganomagoga, a maior empresa do grupo, Javier Pérez (CIG), explicou que a compañía lles trasladou a documentación “estritamente necesaria” no marco da negociación do ERE de extinción, pero sinalou que as causas aducidas para pedir o concurso e rescindir os contratos (en total, hai case 200 traballadores afectados en todas as empresas do grupo) “non parecen suficientes para un ERE”, aínda que admitiu que as perdas declaradas con “importantes”.

Así mesmo, cuestionou algúns dos datos achegados por Ganomagoga, como o incremento de gastos de persoal o ano pasado, cifrado pola empresa nun 33 %, cando os soldos subiron “pouco máis do 6 %” e o persoal “é practicamente o mesmo”.

Tamén trasladou as súas reticencias sobre os problemas de carga de traballo, e sinalou que, a principio de ano, “había carteira de pedidos”, pero a empresa asegurou que non conseguiu financiamento para os materiais.

Ganomagoga conta cunha planta en Ponteareas, a de Talleres Ganomagoga, que é a sede principal e que conta con outra sede en Mos; coa división loxística (Ganomagoga Logistics, tamén con sede en Ponteareas); Aplimega, no Porriño; e Cedval, en Vigo. O grupo negocia ERE por separado para cada unha das empresas e, de feito, o luns finaliza o prazo de negociación para Ganomagoga Logistics.

O comité de Talleres Ganomagoga prevé unha nova reunión coa empresa, no marco da negociación do ERE, para o vindeiro xoves e, de momento, descoñecen as condicións nas que se rescindidarán os contratos.

ÚLTIMAS

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...

Abel Caballero celebra a chegada da moi alta tensión eléctrica á cidade: “É o que Stellantis e a cidade quería”

O alcalde de Vigo, Abel Caballero, celebrou este mércores o anuncio da aprobación no Consello...

Interceptan un dron non autorizado durante a carreira Vig-Bay en Baiona

A Garda Civil durante o Medio Maratón Gran Baía Vig-Bay, que se celebrou o domingo, interceptou no...