O embaixador de Francia en España, Jean-Michel Casa, visitou na mañá deste xoves a planta que o grupo automobilístico Stellantis ten en Vigo, onde se reuniu co director da factoría, Ignacio Bueno.

Ignacio Bueno explicou ao embaixador os proxectos da planta, a actividade que desenvolve e os retos do futuro. Na súa visita, o embaixador estivo acompañado polo conselleiro de Asuntos Económicos, Cyril Forget; o cónsul xeral en Bilbao, Yann Batterfort; o cónsul honorario en Vigo, Jean-Baptiste Chassin; e outros membros da embaixada.

Tras realizar un percorrido polo taller de Montaxe, o embaixador de Francia en España asinou no libro de honra da empresa.