InicioEconomíaPeinador reabrirá a partir das 16,00 horas deste martes tras 5 cancelacións...

Peinador reabrirá a partir das 16,00 horas deste martes tras 5 cancelacións e 4 voos desviados

O BNG criticou o "abandono" de Peinador por parte do Goberno central e tachou de "intolerable" que unha focha volvese pechar o aeroporto

PUBLICADO O

O aeroporto de Peinador reabrirá a partir das 16,00 horas deste martes despois de que finalizasen as obras de reparación da focha rexistrada na súa pista, segundo informou Aena.

O xestor de infraestruturas aeroportuarias indicou que se prevé que o aeródromo de Vigo estea operativo á primeira hora desta tarde, tras contabilizarse cinco voos cancelados e catro desviados a Santiago, que se operarán desde alí.

Foi o luns sobre as 19,00 horas cando se localizou un dano na pista de Peinador, o que provocou que o aeroporto fose declarado inoperativo, cancelando os voos que debían saír del e desviando os que tiñan Vigo como destino.

REACCIÓNS POLÍTICAS

Precisamente este martes, o BNG criticou o “abandono” de Peinador por parte do Goberno central e tachou de “intolerable” que unha focha volvese pechar o aeroporto olívico, xa que non é a primeira vez que sucede.

O concelleiro nacionalista, Xabier Pérez Igrexas, lembrou que Aena prometeu hai meses o reasfaltado da pista e non se levou a cabo. Ademais, anunciou que o seu partido presentará iniciativas no Congreso para pedir investimentos no aeródromo.

O alcalde de Vigo, Abel Caballero, indicou que este asfaltado global da pista farase “inmediatamente”, segundo o director xeral de Aviación Civil, co que falou esta mañá, o que resolverá estes problemas dos últimos meses.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...