InicioSociedadeA unidade de hospitalización psiquiátrica infanto-xuvenil do Cunqueiro estará lista tras o...

A unidade de hospitalización psiquiátrica infanto-xuvenil do Cunqueiro estará lista tras o verán

A unidade terá en total 20 traballadores

PUBLICADO O

A unidade de hospitalización psiquiátrica infanto-xuvenil do Hospital Álvaro Cunqueiro de Vigo estará lista ao acabar o verán, despois de que a Xunta adxudicase as obras destas instalacións por 1,3 millóns de euros, co obxectivo de duplicar a capacidade de atención destes pacientes.

Así o sinalou o conselleiro de Sanidade, Julio García Comesaña, na súa visita ás obras desta nova unidade, que teñen un prazo de execución de catro meses para habilitar os 740 metros cadrados de superficie cos que contará.

“A Xunta vai duplicar a capacidade da sanidade pública galega para dar resposta aos casos que necesiten hospitalización con ingreso para patoloxía psiquiátrica aguda grave nos máis novos”, reivindicou García Comesaña.

Esta nova unidade contará cunha dotación inicial de 12 profesionais. A estes haberá que engadir oito da área, co que a unidade terá en total 20 traballadores: dous psiquiatras, un psicólogo, un traballador social, un terapeuta ocupacional, sete enfermeiros e oito técnicos de coidados auxiliares de enfermaría.

Para Comesaña, a saúde mental infantil é un tema de “máxima prioridade clínica, mediática e social”, polo que o Plan de Saúde Mental da Xunta, aprobado en 2020, recollía tamén a creación de hospitais de día infanto-xuvenís en todas as áreas sanitarias galegas.

Para el, o “fundamental” é o persoal que hai detrás destas novas unidades, xa que a finais do ano que vén un total de 241 persoas serían contratadas.

REFORMA CENTRO SAÚDE SALVATERRA

Noutra orde de cousas, o conselleiro de Sanidade e o xerente da área sanitaria de Vigo, Javier Puente, avanzaron este luns á alcaldesa de Salvaterra do Miño, Marta Valcárcel, a próxima licitación dunha obra de reforma integral do centro de saúde desta localidade por un importante superior aos 445.000 euros.

Tal como indicou o Servizo Galego de Saúde (Sergas) nun comunicado, estas obras afectarán a 580 metros cadrados da superficie do edificio e nelas inclúense múltiples actuacións de mellora en diferentes puntos, como a renovación do pavimento da área do aparcadoiro ou o falso teito e a zona exterior do centro e a rampla de acceso. Tamén levarán a cabo diferentes accións para mellorar a eficiencia enerxética do edificio.

ÚLTIMAS

Detido un home pola súa suposta vinculación co crime da maleta

A Policía Nacional detivo na mañá deste venres a un home pola súa presunta vinculación co...

Vigo rexeita o “caciquismo” do PP na deputación ao “censurar” a relatoras por “causas políticas”

O pleno de Vigo aprobou este venres, cos votos do PSOE e do BNG, unha...

O PPdeG anuncia a “reconstrución” do partido en Vigo “coas mans libres” dos militantes

A xunta xestora do PP de Vigo, presidida por Ana Ortiz, presentouse este mércores formalmente...

Seis adultos e tres nenos quedan atrapados no ascensor Halo, inaugurado o pasado 16 de febrero

Nove persoas, seis adultos e tres nenos, quedáronse atrapados no ascensor Halo de Vigo,...