O artista malagueño Pablo López actuará o próximo 24 de xullo no auditorio de Castrelos, sendo o primeiro concerto do programa Vigo en Festas 2023 desvelado polo alcalde, Abel Caballero.

En rolda de prensa, o rexedor olívido destacou que López é unha das figuras “máis importantes do pop actual”, desde que se deu a coñecer en 2008 na sexta edición de Operación Triunfo, onde quedou en segunda posición por detrás de Virginia Maestro.

Na actualidade é un dos coach habitual do programa ‘La Voz’ e obtivo un dobre disco de platino en 2015 con ‘El mundo y los amantes inocentes’ e en 2017 con ‘Camino, fuego y libertad’.

Ademais, Abel Caballero indicou que “deica pouco” anunciase algo relacionado con como levarán a cabo este ano as reservas de entradas para acceder á platea de Castrelos, dando a entender que quizá sexa necesario dispor da Pass Vigo para priorizar así a súa venda a cidadáns vigueses.