InicioSociedadeO petroleiro remolcado a Vigo estará unha semana en porto para a...

O petroleiro remolcado a Vigo estará unha semana en porto para a reparación da súa hélice e non hai risco de vertedura

A Autoridade Portuaria olívica confirmou que o buque cumpriu as medidas de seguridade que se lle esixiron

PUBLICADO O

- Advertisement -

O petroleiro ‘Minerva Nounou’, que foi remolcado nas últimas horas ao Porto de Vigo debido a unha avaría na súa hélice, permanecerá amarrado no peirao de transatlánticos da terminal viguesa unha semana, tempo estimado polos técnicos para a reparación da avaría.

Así trasladou a Europa Press fontes da Autoridade Portuaria olívica, que confirmaron que o buque cumpriu as medidas de seguridade que se lle esixiron para poder atracar en Vigo, entre elas a inertización dos seus depósitos.

O buque, de 254 metros de eslora e 44 de manga, saíu de Xibraltar o pasado 7 de marzo con destino Países Baixos, cunha tripulación de 26 persoas. O pasado xoves deu aviso a Salvamento Marítimo por unha avaría na hélice, e a propia tripulación tratou de reparar o dano sen logralo, polo que o petroleiro solicitou autorización para recalar no Porto de Vigo.

Fontes consultadas por Europa Press confirmaron que non se teme pola integridade do barco e que navegaba baleiro de carga, polo que non hai risco de contaminación por vertedura. As mesmas fontes explicaron que o petroleiro ten dobre casco (foi construído en 2006). O ‘Minerva Nounou’ foi finalmente remolcado polo buque de Salvamento ‘Don Inda’ e permanece amarrado desde este domingo no peirao de transatlánticos de Vigo.

“NADA QUE VER CO PRESTIGE”

Este luns, o presidente da Autoridade Portuaria de Vigo, Jesús Vázquez Almuíña, e a directora do organismo, Beatriz Colunga, achegáronse ata o peirao de transatlánticos para “coñecer de primeira man o estado do buque avariado”, segundo informaron fontes portuarias.

As mesmas fontes insistiron en que, para autorizar a súa entrada á terminal olívica, o barco tivo que cumprir os “esixentes requisitos” demandados pola propia Autoridade Portuaria e por Capitanía Marítima.

A Autoridade Portuaria matizou que o caso do ‘Minerva Nounou’ “nada ten que ver co ‘Prestige'”, xa que se trata dun buque de dobre casco e “sen carga”. Aínda así, sinalou, “extremáronse as medidas de seguridade á hora permitir a entrada deste petroleiro en porto”.

Jesús Vázquez Almuíña destacou o traballo conxunto de Capitanía Marítima, prácticos, remolcadores e Autoridade Portuaria no operativo de remolque e atracada, “máis complicada que noutras ocasións”.

ÚLTIMAS

Desconvocada a folga de persoal de ambulancias na área de Vigo

O persoal de ambulancias da 061 da área Vigo decidiu desconvocar a folga indefinida...

Encontro de amizade e cooperación entre Vigo e México

O alcalde de Vigo, Abel Caballero, reuniuse este venres co embaixador de México en...

As cidades deportivas do Celta son elixidas como subsedes do Mundial 2030, pero Balaídos non será unha das sedes

A Real Federación Española de Fútbol (RFEF) anunciou que o coruñés estadio Abanca Riazor será unha...

Cine Fraga, “o inicio da recuperación dun emblema cultural” de Vigo

O conselleiro delegado de Abanca, Francisco Botas; o presidente da Xunta, Alfonso Rueda, e...