InicioEconomíaA Zona Franca de Vigo anima aos empresarios do Carballiño que presenten...

A Zona Franca de Vigo anima aos empresarios do Carballiño que presenten os seus proxectos no Consorcio

O delegado de Estado na Zona Franca, David Regades, di que están á espera da posta en marcha dunha nova fase de ampliación do Parque Empresarial existente.

PUBLICADO O

O delegado de Estado na Zona Franca, David Regades, desprazouse ata o Concello ourensán do Carballiño para ter unha reunión co rexedor municipal, Francisco Fumega, e xuntos manter un encontro con empresarios do municipio para animalos a presentar os seus proxectos ao Consorcio.

“Os instrumentos da Zona Franca están ao servizo das empresas para crear emprego”, expuxo Regades subliñando que esta reunión é un exemplo de que “pode pedirse este tipo de encontros para coñecer que ofrece o consorcio”. Así, indicou que as ferramentas van desde a identificación de chan empresarial, o apoio de capital risco coa sociedade Vigo Activo, ata programas de aceleración de proxectos empresariais e internacionalización.

Antes de reunirse cos empresarios, Regades mantivo un encontro co goberno local coñecendo os plans do mesmo para a ampliación do chan empresarial, que na actualidade atópase, segundo explicou o alcalde, Francisco Fumega, “practicamente esgotado”.

Así pois, están á espera da posta en marcha dunha nova fase de ampliación do Parque Empresarial existente, incluído nas novas áreas empresariais de Galicia, cunha superficie dun 1.500.000 metros cadrados, que se estenderán polos concellos do Carballiño e Maside.

“Estamos ante unha iniciativa que permite reforzar o tecido empresarial do concello e posibilita o afianzamento e a expansión do mesmo, a través duns mecanismos que xa dan os seus froitos noutros municipios galegos”, celebrou Fumega quen ademais chegou a acordos con Regades para que a Zona Franca poida “dar apoio técnico” ao Carballiño.

Tras a reunión institucional, na sala de plenos do consistorio o delegado de Estado da Zona Franca e o rexedor municipal reuníronse con representantes de empresas de diferentes sectores do municipio, que se interesaron especialmente polas ferramentas de financiamento do Consorcio, o acceso a apoios para a internacionalización ou as características do chan franco.

ÚLTIMAS

Gonzalo Caballero proposto polo PSOE de Vigo como candidato galego ás europeas

A asemblea do Partido Socialista de Vigo propuxo ao que fora secretario xeral do PSdeG, Gonzalo Caballero,...

Claudio Giráldez renova como adestrador do Celta ata xuño de 2025

O adestrador galego Claudio Giráldez renovou este xoves o seu contrato como técnico do RC...

Atraso de 40 minutos na liña A Coruña-Vigo por un conato de incendio nun coche do tren

Un conato de incendio declarado entre dous coches dun tren que cobre a liña...

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...