InicioPolíticaO BNG pide a transferencia a Galicia do Centro Oceanográfico de Vigo...

O BNG pide a transferencia a Galicia do Centro Oceanográfico de Vigo ante o seu “abandono”

O deputado Néstor Rego interpelou ao Executivo para urxir melloras no centro ante o "risco" para a continuidade das actividades e estudos a causa do mal estado das instalacións.

PUBLICADO O

O Bloque Nacionalista Galego (BNG) esixiu ao Goberno central que cese o “desprezo e abandono” do Centro Oceanográfico de Vigo ante as “deficiencias e a falta de mantemento” das instalacións situadas en Cabo Estai.

Por iso, a organización nacionalista anunciou unha serie de iniciativas no Congreso dos Deputados, no Parlamento de Galicia e no Concello de Vigo tras o “duro golpe” que suporá o derrube da nave de cultivos pola situación en que está.

En concreto, o deputado Néstor Rego interpelou ao Executivo para urxir melloras no centro olívico ante o “risco” para a continuidade das actividades e estudos a causa do mal estado das instalacións. En particular, da planta de cultivos.

Neste sentido, cuestionou a negativa do Goberno de incluír unha partida nos Orzamentos Xerais do Estado de 2,4 millóns de euros para a súa ampliación e reforma.

Rego reiterou ademais a necesidade de que o Executivo central comece as negociacións coa Xunta para transferir as sedes situadas en Galicia, co obxectivo de mellorar a integración e o funcionamento destes centros.

“Esta situación ten unha íntima relación co sector pesqueiro, tan importante no noso país, e co industrial. Un asunto que o Goberno debería protexer, manter e mesmo potenciar”, demandou o deputado do Bloque.

Na mesma liña falou o concelleiro Xabier Pérez Igrexas, que acusou ao Goberno de “maltratar” ao Centro Oceanográfico de Vigo, primeiro rexeitando a posibilidade de que fose sede permanente de pesqueiras e acuicultura e, posteriormente, tratando de “encubrir esta decisión inxusta cun paripé vergoñento”, en relación á mesa da ciencia pesqueira celebrada a finais de 2022 “e que durou apenas unha mañá”.

ÚLTIMAS

Feministas católicas sean este domingo ás rúas de Vigo para reclamar que as mulleres teñan “voz e voto” na Igrexa

Feministas católicas da Revolta de Mulleres na Igrexa sairán este domingo 3 de marzo ás...

Trasladan a tres membros dunha familia en Vigo con síntomas de intoxicación por gas

Dous adultos e un menor tiveron que ser trasladados polos servizos sanitarios con síntomas...

Remolcan ao porto de Vigo ao portacontedores ‘MSC Katyanyi’

O portacontedores 'MSC Katyayni,', que navega baixo bandeira de Panamá, está a ser remolcado...

Rueda reivindica a Arribada de Baiona para a desestacionalización do turismo en Galicia

O presidente da Xunta en funcións, Alfonso Rueda, destacou este venres a importancia de...