A Asociación da Sociedade Xitana Española denunciou a falta de medios nun hospital de Vigo para realizar unha resonancia ou un tac abdominal a unha muller que sofre obesidade mórbida incapacitante, chegando o seu peso aos 270 quilos. Nun comunicado remitido aos medios de comunicación, dita asociación explicou que a paciente no últimos cinco anos ingresou en reiteradas ocasións no centro olívico debido a problemas xerados pola súa situación de saúde.

Na actualidade, leva cinco meses ingresada debido a unhas dores abdominais para os que se lle dá calmantes, pero non se lle levan a cabo un tac abdominal ou unha resonancia xa que o hospital non dispón dos aparellos adecuados para este tipo de persoas con tanto volume corporal, segundo denuncia esta entidade, que di que tampouco se trasladou á paciente a outro centro para realizar as ditas probas. Por iso, ve “deixamento de funcións”, “deficiente atención médica” e “mala praxe” e denunciaron esta situación ante o xulgado, apuntando tamén ao conselleiro de Sanidade e á responsables da área de Vigo.