Unha persoa resultou ferida nun accidente de circulación múltiple rexistrado en Vigo este martes no que estiveron implicados unha moto, unha furgoneta e un camión que transportaba bombonas de butano e propano.

O sinistro tivo lugar ás 09,30 horas na Avenida Aeroporto da cidade olívica, segundo informou o CIAE 112 Galicia. A persoa ferida, que manexaba a motocicleta implicada no accidente, tivo que ser evacuada en ambulancia ata un hospital. A pesar do impacto, a carga do camión non se viu afectada.