InicioSociedadeAs obras do Halo pecharán o túnel de Lepanto e o acceso...

As obras do Halo pecharán o túnel de Lepanto e o acceso á estación de autobuses de Vigo desde o vindeiro luns

O tráfico será redirixido por Isaac Peral

PUBLICADO O

As obras do ascensor Halo obrigarán ao peche do túnel da rúa de Lepanto e o acceso á estación de autobuses de Vigo desde o vindeiro luns, día 13 de febreiro. Así o sinalou en rolda de prensa o alcalde, Abel Caballero, quen calcula que esta anomalía durará aproximadamente un mes e implicará máis cortes nocturnos para entrar á cidade desde a AP-9 por Alfonso XIII.

En concreto, o rexedor explicou que o izado do círculo do ascensor suporá que a partir do mércores, día 15, levarán a cabo estes cortes nocturnos na entrada por Alfonso XIII, na zona de Cervantes. Por iso, o tráfico será redirixido por Isaac Peral. Esta limitación en horario nocturno faise porque “en horas punta é imprescindible ter aberta esa entrada á cidade”.

En canto á alternativa establecida para a entrada e saída de autobuses á estación, dado que non poderán usar a autoestrada, o alcalde indicou que deberán ir tamén por Isaac Peral e cálea Doutor Canoa, pasando por Antón Beiras, Travesía de Vigo, Urzaiz e Baixada a Estación.

Precisamente a delegada da Xunta en Vigo e candidata do PP á Alcaldía, Marta Fernández-Tapias, falou este venres do tema, subliñando que solicitaron ao goberno local unha reunión para planificar como se van a producir os cortes de tráfico e poder así planificar os desvíos dos autobuses que cheguen á estación intermodal.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...