InicioVigo e contornaVigoO BNG de Vigo comeza unha rolda de encontros coa veciñanza de...

O BNG de Vigo comeza unha rolda de encontros coa veciñanza de todos os barrios da cidade

"Queremos abrir un novo tempo na cidade, reseteando en positivo Vigo, escoitando e dialogando, recollendo propostas e suxestións", subliñou o candidato á Alcaldía, Xabier Pérez Igrexas.

PUBLICADO O

O Bloque Nacionalista Galego (BNG) iniciou este martes no Calvario unha rolda de encontros abertos cos veciños e o tecido asociativo de Vigo, que nas próximas semanas irá levando a cabo en todos os barrios e parroquias da cidade.

Segundo explicou o partido nun comunicado, estas reunións pretenden ser “unha posta en común coas que sumar ideas para definir entre todos un proxecto de cidade que leve a Vigo máis aló”.

“Queremos abrir un novo tempo na cidade, reseteando en positivo Vigo, escoitando e dialogando, recollendo propostas e suxestións”, subliñou o portavoz nacionalista e candidato á Alcaldía, Xabier Pérez Igrexas, que criticou a “xordeira autoritaria” do actual goberno local.

Para el, sen participación “non hai democracia real”. “Democracia é moito máis que votar cada catro anos. É darlle a posibilidade aos veciños de participar, de verdade, na toma de decisións, sabendo que facer cidade é tarefa de todos”, defendeu.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...