InicioVal MiñorNigránNaco, o mozo nigranés que recibiu unha brutal malleira fai un ano

Naco, o mozo nigranés que recibiu unha brutal malleira fai un ano

A nai da vítima convoca unha manifestación o día 16 de agostona Plaza do Concello de Nigrán para pedir xustiza.

PUBLICADO O

- Advertisement -

Nacho, a quen na familia lle chaman cariñosamente Naco, foi vítima dunha brutal malleira fai un ano. Entón, unhas seis persoas comezaron a pegarlle na madrugada do 16 de agosto do 2020, despois de saír dun evento no Pazo de Urzáiz. “Pensaron que te mataran e deixáronte tirado no medio da maleza para que morreras se non o fixeras xa”, denuncia a nai da vítima, Lupe Comesaña, nunha mensaxe que difundiu por redes.

A nai de Nacho pide agora axuda para que se faga xustiza para o seu fillo, por iso convovoca unha concentración para o día 16 de agosto ás 21.00 horas na Praza do Concello de Nigrán, cando se cumpre un ano da fatídica agresión.

Enterráronte en vida, apagáronche a luz que desprendías e cargado de lesións e secuelas que son difíciles de superar”, escríbelle súa nai nas redes. Dende fai un ano, Naco, que ten agora 25 anos, recupérase moi lentamente das lesións físicas e psicolóxicas que cambiaron a súa vida. Xa se someteu a unha operación e pouco a pouco vai recuperando a visión dun dos seus ollos.

“Síntome impoñente de non poder facer máis, de sacarte dese burato sen fondo no que te meteron e no que peleas contigo mesmo por saír del”, confesa a nai. Pero o caso de Samuel Luiz, a quen asasinaron cunha brutal paliza, foi unha luz para a familia para animarse a denunciar públicamente o sucedido e buscar apoio social. Naco leva un ano esperando por xustiza mentres sabe que os seus agresores “gozan da vida sen prexuízos nin remordementos”, como apunta a nai.

Coa concentración organizada, non só queren pedir xustiza para Naco, senón que tamén queren denunciar o acontecido e que casos como o de Naco e Samuel non se repitan.

ÚLTIMAS

Ordenan prisión para o home que quixo queimar a casa da súa exmuller en Tomiño coa súa filla dentro

O xulgado de instrución número 1 de Tui acordou o ingreso en prisión provisional,...

Arremeten contra unha xornalista no terceiro intento de desaloxo da casa ocupada na rúa Pardavila

Unha muller que estaba a ser desaloxada dunha casa ocupada desde hai anos en...

A Asociación de Dano Cerebral Alento preparará a tortilla máis grande da historia de Vigo” polo seu 25 aniversario

A Asociación de Dano Cerebral Alento elaborará este sábado a tortilla "máis grande da...

O BNG levará unha moción ao Pleno de Vigo para pedir a condena das “accións genocidas” de Israel en Gaza

O grupo municipal do BNG no Concello de Vigo levará unha moción para o...