Efectivos da Garda Civil de Gondomar investigan a un veciño deste municipio como suposto autor dun delito contra a saúde pública, na modalidade de cultivo e elaboración de drogas, ao ser o presunto responsable dunha pequena plantación de marihuana que se localizou nun terreo anexo á súa vivenda.

As actuacións desenvolvéronse durante a tarde deste martes, cando unha patrulla de seguridade cidadá do Posto da Garda Civil de Gondomar, no seu percorrido pola parroquia de Peitieiros, observou unha planta de marihuana no patio exterior dunha vivenda.

Ao requirir a presenza do propietario do inmueble, comprobaron que tiña outras
tres plantas, que foron incautadas para ser postas a disposición da autoridade xudicial competente.

As dilixencias instruídas polos efectivos da Garda Civil, xunto coas plantas aprehendidas, foron postas a disposición do Xulgado de Instrución de garda de Vigo, onde deberá comparecer o investigado cando sexa requirido.