O 14 de xaneiro de 2013, a Asemblea Xeral de Nacións Unidas aprobou formalmente a proclamación da UNESCO para que o 13 de febreiro fose formalmente declarado como o Día Mundial da Radio.

A propia UNESCO califica a radio como un medio poderoso para celebrar a humanidade en toda a súa diversidade e constitúe unha plataforma para o discurso democrático.

A nivel mundial, a radio segue sendo o medio máis consumido. Esta capacidade única de chegar á máis ampla audiencia significa que a radio pode dar forma á experiencia da diversidade dunha sociedade, ser un escenario para que todas as voces exprésense, estean representadas e sexan escoitadas.

Baixo esta premisa a UNESCO sinala que “as estacións de radio deben servir a comunidades diversas, ofrecendo unha ampla variedade de programas, puntos de vista e contidos, e reflectir a diversidade de audiencias nas súas organizacións e operacións. ”

A diversidade

Os obxectivos da xornada do hoxe foron os de concienciar ao público e aos medios de comunicación acerca da importancia da radio, e alentar aos encargados de tomar decisións a crear e ofrecer acceso á información a través da radio.

Neste Día Mundial da Radio, recoñezamos o poder perdurable que ten a radio para promover a diversidade e contribuír a construír un mundo máis pacífico e inclusivo.

António Guterres, Secretario Xeral da ONU

O alumnado do IES Terra de Turonio (Gondomar) celebrou hoxe, conxuntamente con outros centros de ensino de Galicia e Portugal, esta xornada mundial da Radio cunhas emisións especiais entorno á diversidade.

Os programas do Día Mundial da Radio

25 anos de Ponte..Nas Ondas!

PONTE…NAS ONDAS! cumpre 25 anos en 2020 e para celebralo convida a todos os centros educativos a participar nas actividades que van desenvolver ao longo deste curso.

Especialmente na xornada de comunicación radiofónica que realizarán o 27 de marzo de 2020, 25 anos despois da primeira “ponte radiofónica” tranfronteiriza.

A axenda que ten preparado Ponte… Nas Ondas para 2020 onde os lazos estreitanse máis alá da raia, chegando xa á Rádio Universitária do Minho en (Braga) que participará na emisión conxunta do 27 de marzo.

Axenda de actividades.

• 3º certame de recolla “ AS IMAXES DO PATRIMONIO”. Convocatoria aberta a partir de novembro, o prazo para participar remata en xuño 2020.
• DÍA MUNDIAL DA RADIO. 13 de febreiro. Realización de emisións e programacións de radio que se difundirán a través do portal ” www.escolasnasondas.com “.
• PONTE…NAS ONDAS! ( 1995-2020 ). 27 de marzo. Xornada conmemorativa dos 25 anos, cun maratón radiofónico desde estudios de radio de Galicia e Norte de Portugal. Convida ás escolas a realizar un programa en directo con persoas e grupos de portadores do patrimonio inmaterial.
• Certame de podcast: II Certame de Podcasts en Galego Xosé Mosquera Pérez “O vello dos contos”
• XORNADA GALEGO-PORTUGUESA DE XOGOS TRADICIONAIS. Realizarase nun venres do mes de maio de 2020.
• DÍA INTERNACIONAL DO PATRIMONIO. Propoñen a realización de actividades co patrimonio inmaterial galego-portugués.