A Subdelegación do Goberno en Pontevedra deu orde de abrir unha investigación en torno ao vídeo do xornalista Javier Negre en Panxón (Nigrán) difundido esta fin de semana en redes sociais para aclarar se se cometeu un posible delito contra a saúde pública ou un delito de odio.

A Subdelegación de Goberno considera que Negre puido cometer unha falta ou delito contra a saúde pública ao achegarse sen máscara a menos de metro e medio dun vendedor ambulante que vendía sombreiros no paseo marítimo de Panxón. Preténdese investigar tamén se o xeito de dirixirse ao vendedor pode ser constitutivo dun delito de odio.

Negre atópase en Galicia seguindo os actos de precampaña electoral do líder de Vox, Santigo Abascal.