A detención en Vigo da denominada “banda do Audi” non parece minimizar os roubos que sofren os concellos limítrofes de Vigo.

A parroquia de Sabarís (Baiona) é unha desas zonas onde os amigos do alleo levan uns meses entrando a roubar en negocios e vivendas buscando principalmente diñeiro e xoias.

A última? Entrar a roubar no Tanatorio do Val Miñor o pasado venres, onde máis que roubar, os ladróns fixeron destrozo para apoderarse das caixas das máquinas do café.